Latest Showbiz News

Journal.com.ph:

Kung si Nadine Samonte ang tatanungin, at this point, aminado siyang gusto na niyang magpakasal.        

She’s turning 24 sa March at marami nga raw ang nagsasabi sa kanyang bata pa ang ganu’ng age para mag-asawa.

Pero katwiran niya, makapamilya raw siya talaga at gusto niya talaga na maagang magkaroon ng anak.

Kaso, nanghihinayang naman daw siya sa kanyang career at sa mga opportunity na nagdaratingan.         Siyempre, iba na nga naman once na nag-asawa na siya.

“Gusto ko talaga, gusto ko na,” say niya about getting married nang makatsikahan namin siya sa set ng Valiente, her new teleserye sa TV5.

“Ang problema kasi, ’yung projects, eh. ’Yung mga opportunity, sayang, eh,” dugtong niya.

Kinumpirma rin ni Nadine na nagkabalikan na sila ng non-showbiz boyfriend na si Emerson Chua.

Last November or December pa raw sila nagkabalikan at mas maganda na raw ang relasyon nila ngayon.

“Masasabi kong ’yung lahat ng problema, hindi na pinuproblema. Dati kasi, parang konting bagay, problema. Pero ngayon, parang ‘ay ganyan lang? Huwag na pansinin ’yan,’ parang ganu’n,” say niya.

Napag-uusapan naman daw nila ni Emerson ang kasal, pero hindi pa ’yung talagang seryoso at hindi pa rin naman daw ito nagpo-propose sa kanya.

So, proposal na lang ba ang hinihintay niya?

“Hindi ko alam kung naghihintay ba ako ng proposal or kung talagang ready na ba ako, hindi ko alam, eh,” say niya.

Pero kung sakali, mahihirapan namang magpakasal si Nadine this year since heto nga’t magsisimula pa lang ang Valiente sa Feb. 13.

Siya ang leading lady ni JC de Vera habang si Oyo Sotto naman ay gaganap na nakatatanda niyang kuya.

* * *

Ngayong araw na ito, ooperahan ang nanay ng komedyanteng si Ariel Villansanta na si Mommy Elvie.

For quite some time now, nakikipaglaban ang kanyang ina sa isang malubhang sakit at kinakailangang sumailalim sa maselan na operasyon para madugtungan ang buhay.

Worried si Ariel dahil 84 years old na ang kanyang ina at hangga’t maaari, ayaw niya sanang ipaopera ito dahil nga sa edad nito.

Kaso, wala siyang choice dahil ito lang daw ang paraan para kahit paano ay maibsan ang sakit ng ina.

Pero bibilib ka naman kay Mommy Elvie dahil kahit ooperahan na siya, hiniling niya munang makita si Vice President Jejomar Binay para sabihin ang kanyang wish.

Naganap ang pagkikita nila last Wednesday, Feb. 1, at ang hiniling niya ay hindi para sa sarili niya kundi para sa lahat ng kapwa niya senior citizen.

“Hiniling niyang ang lahat ng senior citizen ay maging libre na ang pagpasok sa sinehan sa buong Pilipinas. Right now kasi, ’di ba, sa Makati lang libre ang senior citizens sa sinehan? So, hiniling niya na sa buong Pilipinas na,” kuwento ni Ariel.

Ang good news, mukhang positibo naman ang resulta dahil nangako si VP Binay na gagawan niya ito ng paraan.

Nakakabilib din si Mommy Elvie dahil sa halip na isipin niya ang kanyang sakit at magpagaling, kapakanan ng ibang tao ang kanyang iniisip.

By the way, ang pagkikita nina Mommy Elvie at VP Binay ay mapapanood sa third season ng Mommy Elvie @ 18 na magsisimula sa March 3.

Ang konsepto kasi talaga ng show ay ipalabas ang lahat ng wishes nito in real life na gustong matupad.         Ang anak niyang si Ariel ang nakaisip ng konseptong ito para naman mapaligaya ang ina sa nalalabi nitong oras sa mundo.

Two weeks ago, natupad ang isa niyang wish na ma-meet ang comedy queen na si Ai-Ai de las Alas.

Sa ngayon, ang gusto lang ni Ariel ay makaligtas ang ina sa operasyon ngayong araw, kaya sana’y ipagdasal natin ang kaligtasan ni Mommy Elvie.

“We really need your prayers now. Ipagdasal natin ang aking ina na malampasan niya ito,” pahayag ni Ariel at ng misis niyang si Cristina Decena.

… Continue here or read more Philippines Showbiz News updates.

Related showbiz terms: nadine samonte bikini ** nadine samonte ** nadine samonte fhm **